Jinsi ya Kuizima (deactivate) akaunti yako ya Instagram Kwa muda

Instagram ni mmoja wa mitandao maarufu sana duniani na ni mtandao unaopendwa zaidi. Mpaka kufikia sasa mtandao huu una watumiaji zaidi ya watu milioni 500 duniani.

Watu  hutumia mtandao huu kuangalia picha, video, kufuatilia habari mbalimbali zinazotrend  na pia kujifunza  mambo mbalimbali. Na pia watu wengine hutumia mtandao huu kuendesha biashara zao kutokana na kuwa na watumiaji wengi hivyo kuna nafasi kubwa ya kuuza bidhaa zao au huduma zao. 

Ukiachana na hayo yote, kuna sababu zingine mbalimbali ambazo zinamfanya mtu achukue mapumziko kwa mda fulani kutotumia mtandao huo. Kama unataka mapumziko ya muda ya mtandao huu,  au unataka tu akaunti yako isionekane kwa muda katika mtandao huu kutokana na mambo mbalimbali, basi njia moja wapo ni kuizima akaunti yako ya Instagram.

Unapoizima akaunti yako ya Instagram, akaunti yako inakuwa haionekani, posts zako zote zinakuwa hazionekani popote pale mpaka pale utakapoamua kuirudisha mwenyewe. Katika makala hii bongotechno.com tutakufundisha hatua zote za jinsi ya kuizima akaunti yako kwa muda. Fuata hatua hizi chini uweze kufanya hivyo.

Jinsi Ya  Kuzima  (ku-disable / deactivate) akaunti yako ya Instagram

Kwanza kabisa unatakiwa kufahamu kwamba huwezi kuzima akaunti yako kupitia App ya Instagram. Hivyo unalazimika kutumia browser kama vile Chrome n.k 

1. Fungua browser yako

2. Andika www.instagram.com

3. Kisha Log in katika akaunti yako.

4. Ukisha log in utabonyeza  profile picture yako upande wa kulia.

5. Kisha utabonyeza Edit Profile

6. Utashuka chini, kisha utabonyeza Temporarily disable my account  upande wa kulia.

7. Utachagua option utapoulizwa kwanini unataka kuzima akaunti yako (Why are you disabling your account?) na kisha utaingiza tena password yako. Ukishachagua sababu na kuingiza password ndipo utaona option ya ku disable account yako.

8. Mwisho utabonyeza Temporarily Disable Account

Hapo utakuwa umefanikiwa kuizima akaunti yako ya Instagram.

Kumbuka : kwa kufuata hatua hizo hapo juu akaunti yako utakuwa umeificha. Hakuna atakayeweza kuiona akaunti yako wala posts zako.

Je kwa muda gani naweza kuizima akaunti yangu?

Unaweza kuizima akaunti yako kwa muda wowote ule unaotaka wewe, kwa mfano ukitaka kuizima kwa wiki au mwezi ni wewe tu na maamuzi yako. Na ukitaka kuirudisha akaunti yako uta log in tu basi na kisha itakuwa imerudi.

Instagram kwa sasa inakuruhusu kuzima akaunti yako mara moja tu kwa wiki.

Je napoteza followers ninapoizima akaunti yangu?

Hapana. Kwa sababu inatunza data zako zote unapoizima akaunti yako kwa muda. Hivyo hupotezi chochote kile.

Unapoizima akaunti yako kwa muda inakuwa haionekani popote pale, kila kitu chako kinakuwa hakionekani. Kwa maneno mengine mtu hawezi kuku- unfollow pale unapokuwa umeificha akaunti yako.

Soma Pia : Jinsi ya kufuta akaunti yako ya Instagram

Je nikitaka kuirudisha akaunti yangu nafanyaje?

Ukitaka kuirudisha akaunti yako uliyoizima unatakiwa tu ku log in katika akaunti yako, ukisha log in tu akaunti yako inarudi tena na inakuwa hewani kama awali.

Na kama hutaki  kuizima akaunti yako ya Instagram ila unataka tu kuibadilisha nani ambaye anayeweza kuiona, unaweza tu kuifanya akaunti yako iwe private au unaweza tu kuwa block watu ambao hutaki waione akaunti yako.

Soma Pia : Jinsi ya kuiweka akaunti yako ya Instagram Private

Jifunze Pia : Jinsi ya kumjua mtu aliyeku block Instagram

Soma Pia : Jinsi ya Kuwa block watu Instagram

Mpaka kufika hapa tumefika mwisho wa makala yetu hii ya leo. Naamini umejifunza  vizuri na kufurahia somo letu hili. Kama utakwama mahala popote pale usisite kuwasiliana nasi katika akaunti zetu za mitandao ya Kijamii kwa jina la Bongo Techno.

Ninachokuomba leo tafadhali tu follow katika akaunti zetu za Facebook, Instagram na twitter kwa Jina la Bongo Techno.